TCAS: ქალაქებისათვის ტასისის საგრანტო სქემა

ქალაქებისათვის ტასისის საგრანტო სქემის (TCAS) შესახებ

მიზნები
TCAS-ის მიზნებია:

• ევროკავშირის მოსაზღვრე რეგიონების და საქართველოს მუნიციპალიტეტებში  გარემოსდაცვითი სიტუაციის გაუმჯობესება პრაქტიკული, მიზანმიმართული ქმედებების გზით;  
• მუნიციპალიტეტების თანამშრომლობის გააქტიურება სხვა სამთავრობო და არასამთავრობო ორგანიზაციებთან გარემოსდაცვით სფეროში.

პრიორიტეტები
TCAS უპირატესობას მიანიჭებს იმ მუნიციპალურ პროექტებს, რომლებიც:

• პრაქტიკულ საქმიანობას მოიცავს;
• შედეგად გამოიღებს ცხოვრების დონის საგრძნობ/გაზომვად გაუმჯობესებას;
• მიზანში ამოიღებს კონკრეტულ პრობლემას, რომელიც ზიანს აყენებს მოსახლეობას;
• შეესაბამება დოკუმენტირებულ გარემოსდაცვით პრიორიტეტებს; და
• გააუმჯობესებს თანამშრომლობას სხვა მუნიციპალიტეტებთან და ორგანიზაციებთან.

შესაფერისი საქმიანობები
იმისათვის, რომ შესაძლებელი იყოს TCAS-ის ფარგლებში ფინანსური მხარდაჭერის მიღება, საქმიანობა უნდა:

• უკავშირდებოდეს გარემოსდაცვით მენეჯმენტს და ხელი შეუწყოს მდგრად განვითარებას;
• განხორციელდეს ქვემოთჩამოთვლილთაგან ერთ-ერთ სფეროში, (პრიორიტეტულობა დაცულია სფეროების ჩამოთვლისას):
  1. მყარი  და სახიფათო ნარჩენების მართვა
  2. წყლის დაბინძურების შემცირება, საკანალიზაციო წყლების გაწმენდა და წყლის დაზოგვა
  3. ჰაერის დაბინძურების შემცირება (სატრანსპორტო და სამრეწველო გამონაბოლქვის შემცირება)
  4. ენერგოეფექტურობა (ცენტრალური გათბობა; მუნიციპალური შენობების დათბუნება, ალტერნატიული ენერგიის წყაროები)
  5. გარემოსდაცვითი ინფორმაციის ხელმისაწვდომობა (ცნობიერების ამაღლება, გარემოსდაცვითი მდგომარეობის მონიტორინგი და შეფასება ხელისუფლებისა და სამოქალაქო საზოგადოების მიერ) ზემოთჩამოთვლილ ნებისმიერ სფეროსთან მიმართებით.
• შეესაბამებოდეს განმცხადებელი მუნიციპალიტეტის ოფიციალურ დოკუმენტებში წარმოდგენილ შესაბამის გარემოსდაცვით პრიორიტეტებს.
  

• წინადადებების მიღების თაობაზე განცხადების გამოქვეყნება: მარტი, 2006
• განაცხადების წარდგენის ბოლო ვადა: 30 ივნისი, 2006
• დაფინანსებული პროექტების გამოცხადება: ოქტომბერი, 2006
• პროექტების დასრულება: დეკემბერი, 2007

ჩამოტვირთეთ დეტალური სახელმძღვანელო მითითებები და განაცხადის ფორმა